11 سال تھی اوپر لوکاں آسطے COVID-19 نی ہیلپ لائن تے ویب چیٹ اوپر خوش آمدید
اساں کی 0800 1512606 اوپر کال کرو یا ساڑے نال آنلائن گپ لاؤ
کیہ تساں کالے، ایشیائی یا نسلی اقلیت نے بچے ، نویں جوان یا ماپیو یا دیکھ پہال کرنے آلے او جہیڑے Covid-19 تھی متاثر ہوئے؟ تساں اس ویلے اپنی پریشانیاں، تکلیفاں تے مسئلیاں نے بارے وچ گل کری سکنے او تے اساں تساں کی جذباتی مدد، قابل عمل صلاح تے تساں نے بارے وچ دوئیاں تنظیماں کی دسی سکنے آں جہیڑیاں تساں نی ہود مدد کر سکنیاں۔
اگر تساں کوئی پیشہ ور او تے تس وی اساں نال رابطہ کری سکنے او تس کسے بچے یا جوان نال اگر کم کرنے او تے اس نی مدد کس طرحے کری سکنے او۔
ساڑے نال گل کرو
اساں سموار تھی جمعے تک تہاڑی 1 بجے تھی کنہی تے شامی 8 بجے تک حاضر ہوساں۔
بہت ساریاں زبان وچ بولو نہ مطلب اے گل کرو
اگر تساں اس وبا تھی متثر او تے تساں کی کوئی صلاح چاہی نی اے یاگل کرنے آسطے کوئی بندہ چاہی نا اے تے پورے اطمینان نال اساں کی 0800 1512606 اپر کال کرو، یا اگر تساں مدد نی صلاح دینے آلے خصوسی بندے نال آنلائن گپ شپ کی ترجیح دینے تے تساں تھلے سجے پاسے براہ راست چیٹ نے آئی
کون اپر کلک کری تے اس طرحے کری سکنے او۔ ساڑے تربیت یافتہ لوک سموار تھی جمعے تک تہاڑی 1 بجے تھی کنہی تے شامی 8 بجے تک تساں نی کال یا ویب چیٹ نا انتظار کرنے لغے نے۔
اگر تساں کی کوئی سوگ اے، صحت خراب اے، لاک ڈاون نی وجہ تھی پریشان او، یا اپنے آپ کی کہلا محسوس کرنے او، اپنے خاندان تے دوستاں نے بارے وچ پریشان او، اپنی مالی حالت نے بارے وچ، بے روزگاری نے بارے وچ فکرمند و، تساں کی کسے گالی دیتی یا نسلی فرق نا طعنہ دیتا، تساں کی کہار نہ ہونے یا کہاروں کڈے جانے نے مسائل این، سکول/کالج توں واپس آنے پریشانی اے یا کوئی وی دوسرا مسئلہ اے تے اساں تساں نی مدد کرنے آسطے موجود آں۔ ساڑی نفسیاتی علاج نی سپیشلسٹ ٹیم تساں نی اس مشکل وقت اچ مسلسل مدد کرسی۔
فون اوپر،ساڑے ہیلپ لائن اپر صلاح دینے آلے انگریزی، اردو، پنجابی تے ہندی وچ گل کری سکنے۔
ساڑے نفسیاتی علاج کرنے آلے علاج نی مدد انگریزی، ہندی، بنگالی، فرانسیسی تے پنجابی وچ دئی سکنے